Пратеничката група на СДСМ ставот ќе го соопшти откако иницијативата ќе се најде пред пратениците, реагира СДСМ откако ВМРО-ДПМНЕ објави дека имаат информации оти СДСМ преку претседателот на Собранието, Талат Џафери, ќе ја отфрли иницијативата за референдум.
Од СДСМ порачаа дека опозициската партија пред да обвинува, треба да ја научи процедурата.
„Иницијативата не е стигната пред пратениците и оттука ваквите обвинувања се паушални, односно тенденциозни со цел ВМРО ДПМНЕ гласно да не го каже она што го знае, дека референдумот против ЕУ нема да успее.
Ова покажува дека всушност единствената цел на ВМРО ДПМНЕ и Христијан Мицкоски е преку барањето за референдум да ја спасува својата фотелја и токму затоа секојдневно ја злоупотребува темата со паушални и неосновани обвинувања.
Пратеничката група на СДСМ како и секогаш во изминатите години ќе постапи државнички, а ставот ќе го соопшти откако иницијативата ќе се најде пред пратениците“, се наведува во реакцијата на СДСМ.