На половина од мандатот на локалните власти на ДПМНЕ во над 40 општини големо е разочарувањето на граѓаните од неисполнетите изборни ветувања. Резултатот на ДПМНЕ е нула резулати, безброј нереализирани изборни ветувања и поголеми сметки за граѓаните за данок на имот и до 300%, како и за ѓубретарина, вода, комунални услуги, се вели во соопштението од СДСМ.
„Скопје е пример како Мицкоски и ДПМНЕ не го испорачаа она што го ветуваа пред граѓаните. Клучното ветување за бесплатен градски превоз во Скопје е само на хартија, нема ни нови 250 еколошки автобуси, нема ниту модерен еколошки транспорт. Граѓаните се изневерени и од градоначалниците на Кисела Вода, Гази Баба, Аеродром, каде ги нема ветените проекти, но има дополнително задолжување на општините.
Ништо не е подобра состојбата ни во Штип, Битола, Прилеп, Охрид и другите општини раководени од ДПМНЕ. Ништо од ветените проекти во програмите не остварија, едно зборуваа кога бараа гласови од граѓаните, а денеска друго. По две години се потврди дека ДПМНЕ ја има најнеспособната локална власт“, велат од СДСМ.