СДСМ: По 15 години чекање С. Македонија ги започнува преговорите за членство во ЕУ, успешните политики на СДСМ и Заев се вреднувани

Од:

„За само две и пол години успешните политики на СДСМ и претседателот Зоран Заев овозможија остварување на стратешките цели на државата.

По приемот во НАТО, Република Северна Македонија ги започнува преговорите за членство во ЕУ. Советот за општи работи на ЕУ се согласи дека нашата држава треба во најбрз можен рок да ги започне преговорите за членство со ЕУ.

Ова е една голема потврда и признание за сите заложби кои ги направивме како држава за релативно краток период , за само 2.5 години.

Добивме големо признание за истрајноста, капацитетите и политичката волја на нашите институции – Владата, Собранието, Судството да ги спроведат реформите поставени како наша цел уште во 2017 година“, велат од СДСМ.

„Постигнавме завидни и значајни резултати во сите овие области. Доказ за тоа се позитивните оценки нотирани во извештаите на Европската Комисија и резолуциите на Европскиот Парламент.

Државата, граѓаните, добија признание за храбрите и тешки политички одлуки кои ги донесе Владата и владејачкото мнозинство во Собранието предводени од СДСМ за решавање на долгогодишните спорови со нашите соседи Грција и Бугарија.

Без Договорот од Преспа и без Договорот за добрососедство и пријателство со Бугарија немаше да биде возможен овој денешен успех.

Ова е уште една потврда дека само заедно, сплотени, солидарни и поврзани можеме да дојдеме до заедничката цел.

Станавме членка на НАТО сојузот , добивме позитивна одлука за почеток на преговори со ЕУ. Сето тоа е мотивација за сите дека заедно можеме да ја победиме и коронакризата која не само нас као држава, го стави целиот свет под закана по здравјето на луѓето.

Република Северна Македонија продолжува храбро да чекори напред, кон напредок и просперитет за сите нејзини граѓани!“, соопштуваат од СДСМ.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари

СДСМ: 51 милион евра не се префрлени во вториот пензиски столб – кривична одговорност треба да започне од Мемов