„Осудени насилници и криминалци како Ангелов – Ќосето го поддржуваат Дурловски, се покажува – листите на ВМРО-ДПМНЕ се одобрени лично од Груевски. Јавноста се увери дека во ВМРО-ДПМНЕ ништо не е променето, кандидатската листа е истата груевистичка кадровска политика која нуди обнова на режимот и враќање назад. Антонијо Милошоски, Игор Јанушев, Владо Мисајловски, Александар Николовски и уште многу други. Олицетворение на режим, неспособност, криминал, корупцијата, изолација, лажни вести. Кандидатите како Силјановска Давкова или Дурловски се сејачи на омраза и поттикнувачи на поделби“, се вели во соопштението на СДСМ.
„Дури и осудени насилници како Горан Ангелов Ќосето јавно застанаа зад Дурловски со кого најверојатно се блиски по насилствата што ги извршија на 27 април. Дурловски и самиот поддржува осудени насилници и криминалци криејќи се зад превезот на лажен патриотизам. Таква е понудата на ВМРО ДПМНЕ насилничка, режимска, криминална и измамничка! ВМРО-ДПМНЕ нуди само обнова на насилството, криминал и режим и затоа со таква понуда ги чека сигурен пораз на 12 април“, се додава во соопштението.
„Граѓаните не сакаат и нема да дозволат враќање назад, не сакаат и нема да дозволат изолација, неправда, криминал и корупција. Граѓаните се за концепот на СДСМ кој води напред и обезбедува европска иднина. Затоа на 12 април Мицкоски и ВМРО-ДПМНЕ ги чека силен пораз од граѓаните“, се вели во соопштението на СДСМ.