Во Паркот на Езерцата во близина на салата МЗТ, е претворен во една голема бара од која се шири непријатна миризба. Наместо со чиста вода, езерцата се полни со зелена вода полна со талог, алги и догорчиња од цигари. Скапите светилки работат половично поради што паркот е речиси во темнина, велат од општинската организација на СДСМ од општина Аеродром.
– И додека градоначалникот се правда дека ваква појава со водата во езерцата е нормална за морињата и езерата, жителите на Аеродром свесно го одбегнуваат ова место. Наместо сврталиште за граѓаните, Паркот на езерата стана легло на комарци.За жал, ова е само доказ дека помпезната инвестиција од 63 милиони денари која градоначалникот Коневски ја изгради со цел да ја разубавува општината, стана место кое ја нагрдува истата. Наместо прескапо платен парк, овие средства можеа да бидат наменети за изградба на други неопходни проекти во Аеродром – велат од СДСМ.
