Во историскиот момент за евроинтегративниот процес на државата, кристално е јасно СДСМ е предводник на европскиот концепт на државата, додека од другата страна, ДПМНЕ е против ЕУ. СДСМ е за ЕУ, како основна стратешка цел на државата и важен чекор кон подобрување на животниот стандард на граѓаните, поголеми плати и пензии, пристап до европските фондови, подобри услови за компаниите, европски вредности и стандарди, се вели во партиското соопштение на СДСМ.
„Од друга страна ДПМНЕ е против ЕУ. Ги манипулира граѓаните со лаги за наводна бугаризација, асимилација, губење на идентитетот и јазикот, наводен бугарски диктат, со безаргументирано противење на уставните измени го блокира европскиот пат на државата и европската иднина на народот. Премногу време помина во чекање. Од добивањето на кандидатскиот статус во 2005 година поминаа 18 години, лани ги започнавме преговорите за членство, сега шансата за исчекор е голема, вратите на ЕУ се отворени, поддршката од стратешките партнери јасна и потврдена. Сега е време за преземање акции и за цврсто и храбро чекорење кон Европската Унија“, велат од партијата.