„ВМРО-ДПМНЕ не одговори од каде има пари за имот вреден 11 милиони евра и да плаќа 630 илјади долари за ПР и лоби услуги на странски компании?
Како додека граѓаните мака мачат со неплатените сметки, со извршителските блокади и не можат да обезбедат кров над глава ВМРО-ДПМНЕ се расфрла со милиони?
Дали странските лоби и ПР компании на ВМРО-ДПМНЕ се платени со пари на граѓаните?
Колку граѓаните на Македонија, кои немаат основна здравствена заштита и дишат загаден воздух, ги чини платената средба на Груевски во САД каде што му кажаа дека треба се вратат демократските принципи во Република Македонија?
Меѓународната заедница точно посочува кој е виновникот за катастрофланата состојба во Македонија, за задушената слободата на медиумите, изборните нерегуларности, судството….
Оттука е паниката во ВМРО-ДПМНЕ којашто не можат да ја скријат ниту скапо платените кампании.
Колкав е стравот кај Никола Груевски покажуваат и нарачаните истражувања на партиската испостава на ВМРО-ДПМНЕ, така наречениот Институт „Павел Шатев“ којшто глуми дека спродува некакво јавно истражување а во суштина лаже.
Доаѓаат промени коишто носат правда и почитување на законите. Најголем страв кај Никола Груевски и ВМРО-ДПМНЕ предизцикува сознанието дека секој што го прекрши законот ќе одговара“, велат од СДСМ.