„Да беше досега формирана новата Влада, немаше да има потреба од одложување на локалните избори.
Неразумните блокади од ВМРО-ДПМНЕ веќе ги оставија граѓаните од утре без градоначалници и советници, вработените во општинските установи без плати, луѓето без потребните општински услуги.
Очигледно целта е уште позагрижувачка, хаосот по повеќемесечната блокада за формирање на новата Влада, да се преслика и на локално ниво, што ќе ја парализира целата држава.
Тоа нема да го дозволиме.
Никола Груевски и раководството на ВМРО-ДПМНЕ веднаш да престанат да ја дестабилизираат Македонија за лична корист и бегство од правдата и да овозможат брз и мирен трансфер на власта и законско утврдување на датумот за локалните избори.
На потег е Ѓорге Иванов кој мора да се огради од деструктивните политики на Никола Груевски и да го додели мандатот за состав на новата Влада што ќе отвори пат и за локалните избори. Ова е врвен државен и граѓански интерес и сите имаат обврска да се водат од него“ се вели во соопштението на СДСМ.