Работното лето на СДСМ продолжува. „Неготино крева глас“, под ова мото, партискиот врв викендов ќе го мине во неготинско. Ќе разговара со жителите, ќе ги чуе нивните маки и секојдневие, и велат, тоа ќе биде основа, заедно со граѓаните да ја напишат партиската програма, во која ќе понудат решенија за се она што го тишти народот.
Неготино е и првата општина во која СДСМ промовира жена-кандидат за градоначалник. Во досега „машката“ градоначалничка трка, официјално влезе Силвана Филипова.
Филипова е доктор-логопед, доцент на Филозофскиот факултет, советник во општината и велат, вистинскиот избор за прв човек на општината.
Силвана Филипова официјално ќе биде промовирана за кандидат за градоначалник на протестно-промотивниот митинг, на 22 јули, недела, во Неготино.