„Анкетата што беше разделена во училиштата во општина Аеродром е недозволива партизација на образовните инситуции и злоупотреба на децата од страна на ВМРО-ДПМНЕ.
Законот за основно и средно образование забранува било какво политичко делување во училиштата.
Дрскоста на ВМРО-ДПМНЕ оди дотаму што децата сака да ги злоупотреби како инструмент за нивната политичка манипулација без компас.
Бараме Просветниот инспекторат веднаш да превземе мерки и согласно законот да сносат одговорност сите што биле дел од оваа политизација и злоупотреба на децата.
На Никола Груевски како да не му е доволно што направи хаос во образовниот процес, па на два месеци од крајот на мандатот ги злоупотребува и децата во училиштата.
Тоа што ВМРО-ДПМНЕ е изгубена партија, без идеи, соочена со страв од промени и паника од губењето на довербата на граѓаните е проблем на самата партија. Оставете ги децата да учат и да му се радуваат на детството“, велат од СДСМ.