Тесна група на власт, што се заборави во луксузот што го спроведува на грбот на огромното мнозинство гладни и боси граѓани, се плаши од мерката на СДСМ за надминување на дупката во Пензискиот фонд, се огласи СДСМ после реакцијата на ВМРО-ДПМНЕ.
„Според прогресивниот даночен систем што го предлага СДСМ, богатите, ќе плаќаат данок по повисоки стапки од сиромашните. Груевски, фамилијата и неговите најблиски соработници сакаат да се богатат, но сакаат и исти права со сиромаштијата. Затоа 450 илјади луѓе се иселија од државата. Затоа Пензискиот фонд има дупка од 370 милиони евра. Затоа со нови и нови кредити се задолжува државата, а јавниот долг достигна неверојатни 4,2 милијарди евра. Од „ефектите“ на политиките на ВМРО-ДПМНЕ“, возврати СДСМ.