После 10 години ВМРО-ДПМНЕ ја сруши економијата, ги осиромаши граѓаните, го згази нивното достоинство, ги закочи евроинтегративните процеси, ја задуши слобода во медиумите…
Поразителните податоци на Светската банка и другите меѓународни организации го потврдуваат целосното уназадување на земјава поради погрешните политики на Никола Груевски и ВМРО-ДПМНЕ.
Според податоците на Светска банка 623.312 граѓани заминале од Македонија. Над 180 илјади граѓани во земјава живеат со по 40 денари на ден. Над 10.000 домашни фирми се затворени, а секоја трета е со блокирана сметка.
Народна банка потврди дека Македонија е на дното во Европа и регионот по странски инвестиции.
Европската комисија констатираше загиружувачки раст на јавниот долг.
Сега на ВМРО-ДПМНЕ сите им се криви.
Сакаа да ја демантираат Светска банка, ја негираа Европската комисија а денеска зборува за терористички организации и безобразно ја обвинува СДСМ.
Разбираме дека кај ВМРО-ДПМНЕ расте паниката поради целосно загубената поддршка од граѓаните и изборниот пораз на 24-ти април. Соопштенија со ваков речник зборува за тешката состојбата во којашто се наоѓа ВМРО-ДПМНЕ.
СДСМ е партијата којашто ја носи слободата во Република Македонија и тоа е сериозен проблем за ВМРО-ДПМНЕ.
По 24-ти април, во слободна Македонија предводена од СДСМ, слободата на медиумите ќе биде загарантирана а земјава повторно ќе биде успешна, економски силна и цврсто ќе чекори напред.
Се е јасно. Времето на Никола Груевски помина. Доаѓа слободата.
Збогум Никола и збогум на твоето друштво, се вели во соопштението на СДСМ.
