СДСМ денеска е во Богданци и околината, а вчера ги посети Валандово и Валандовско односно селата Удово, Пирава, Миравци, како и Стар и Нов Дојран.
„И овој седми по ред викенд од работното лето на СДСМ се сретнуваме со граѓаните, ги слушаме нивните маки, но и нивните сугестии, предлози и идеи за решавање на проблемите. Се сретнуваме со различни целни групи, со млади, со спортисти, со пензионери, со чаршијата, најмногу од сите ни приоѓаат земјоделците кои ги имаат впрочем и најголемите проблеми во овој крај“, рече Ана Павлова Данева на прес-конференција во Богданци заедно со кандидатот за градоначалник Зоран Прочков.
Од средбите, Павлова Данева заклучокот е дека и централната и локалната власт не нудат решенија, дека нема инвестиции и дека граѓаните не гледаат светла иднина и затоа надежта ја гледаат во нивниот кандидат за градоначалник на оваа општина.
Прочков рече дека преку предлози, решенија и забелешки што ги слушнаат на средбите ќе ја исцртаат и програмата за локалните избори во Богданци. – Проекти и идеи има многу и тие не се направени или измислени во канцеларии, туку на секојдневните средби кои ги имаме со граѓаните во проектот „работно лето“, рече тој и додаде дека доколку ја добие довербата може да вети реализација на проекти во инфраструктурата и гасификацијата, како и отворање на нов откупен земјоделски центар.
