„Граѓаните да бидат спокојни во овие празнични денови. Многу брзо во Македонија ќе се живее во демократија, слобода, еднаквост, вредностите што граѓаните ги избраа на последните избори.
Насилничката реторика, заканите и криминалите ќе бидат заменети со квалитетен живот за сите и правда.
Мнозинството граѓани се одлучија за заедништво и интеграција, а не поделеност и изолација.
Унитарна Македонија ќе биде современа држава, во чекор со демократскиот свет, општество на сите граѓани, наместо на една фамилија.
Тоа е единстевниот вистински пат по кој мора да се движи државата и тоа ќе се случи, бидејки е мнозинска волја на граѓаните.
Новото парламентарно мнозинство е должно тоа да им го обезбеди на ѓраганите што ги претставува во Парламентот.
И мнозинската волја ќе се испочитува.
Многу скоро ќе се избере нов претседател на Собранието и нова реформска влада, согласно Уставот и законите на Република Македонија“ се вели во соопштението на СДСМ.