„Христијан Мицкоски веќе неколку години по ред покажува екстремно ниско ниво на јавна комуникација со граѓаните и гласачите. Човечкиот и политички профил на Христијан Мицкоски деновиве секому му се разјасни токму преку неговиот Фејсбук профил“, соопштува СДСМ.
„Очигледно е дека на Мицкоски не му е доволно тоа што е послушник на Никола Груевски. Не му се доволни блокадите, поткопувањето на здравствениот систем, пироманските деструкции.
Не му се доволни ниту релевантни европски истражувања кои го посочија како извор на лажни вести.
Политичкиот пироман Мицкоски упорно тера надолу, однесувајќи се како обичен трол што дели пцовки на интернет. Толку може, толкав му е капацитетот.
Прашање е само од која плажа пишува вулгаризми.
Некој што не може да прифати критика, не е кадарен за политичка функција, а не пак за позиција која подразбира носење одговорни одлуки.
Мицкоски не е кадарен да води партија, не е кадарен ниту да води профил на Фејсбук“, се вели во соопштението на СДСМ.