„Христијан Мицкоски, очаен и фрустриран што државата предводена од СДСМ оди напред, преку дезертерот Драган Ковачки води анти-НАТО хајка против министерката за одбрана Славјанка Петровска“, велат од СДСМ.
„Со лични навреди и обиди за дискредитација, сеење дезинформации и ширење лаги, ВМРО-ДПМНЕ го допре дното.
Мицкоски за вакви грозни и непримерени манипулации го избра дезертерот Драган Ковачки, кој ја посрамотил униформата на АРМ и го одработува за Белата палата, она што очигледно најдобро знае да го прави, да кодоши и плука, да шири лаги и невистини.
Вистината и фактите ги демантираат лагите на Ковачки, за пласираните невистини следуваат тужби и судска разрешница.
ВМРО-ДПМНЕ со ништо не може да го дефокусира вниманието на јавноста од своите промашени и пропаднати политики, блокади и опструкции.
Мицкоски три години зборува само за предвремени избори, му пропаднаа сите обиди за формирање ново парламентарно мнозинство, ниту со насилни проести и лаги не успеа да ја загрози европската иднина на државата, не се ни израдува на членството во НАТО.
Падна во заложништво на Левица и Апасиев, во обидите да го попречи напредокот на државата.
Мицкоски останува антиЕУ и антиНАТО политичар, кому фотелјата му е пред интересите на граѓаните“, соопшти СДСМ.