СДСМ со писмено соопштение реагира на најавената интерпелација за Димитров од страна на Христијан Мицкоски.
„Заглавен во црнилата на Никола Греувски, Христијан анти НАТО Мицкоски работи спротивно на интересите на граѓаните и на Република Македонија.
Токму на денот кога од стратешкиот партнер на Македонија, САД, стигнуваат пофалби за досегашниот напредок на земјава, за евро-атланскиот интеграциски процес, кога стигнуваат охрабрувачки пораки за членството во НАТО и започнување на прегвори за членство во ЕУ, Мицкоски најавува нова, неоснована интерпелација.
Очигледно е, анти ЕУ Мицкоски е дел од оние кои сакаат да го поткопаат Договорот од Преспа, кои свесно работат против процесот за полноправно членство во ЕУ и НАТО, против врвните национални и државни интереси, против граѓаните.
Мицкоски нуди само деструкции, црнила, блокади и одбрана на криминалот на неговиот ментор Никола Груевски.
Залудни се обидите на Мицкоски и раководството на ВМРО-ДПМНЕ преку неосновани барања за интерпелација и преку протести за одбрана на криминалот, да ја закочат иднината, нема да успеат.
Македонија и нејзините граѓани ја победија деструктивната матрица на Груевски, Мицкоски и ВМРО-ДПМНЕ. Македонија оди напред кон светла и сигурна иднина, кон членство во ЕУ и НАТО и нема враќање назад во црното минато“ се вели во реакцијата на СДСМ.