Христијан Мицкоски заедно со неговите соработници Тања Каракамишева и Александар Николовски навиваат за неуспех на нашата татковина. Но тој филм нема да го гледаат, реагира СДСМ на обраќањето на Христијан Мицкоски од ВМРО-ДПМНЕ.
„Република Северна Македонија чекори кон интеграција во ЕУ и полноправно членство во НАТО. Додека државата прави сериозни реформи кои се признаени и вреднувани и во најпозитивниот извештај на Европската комисија, Мицкоски веројатно чека награда од Никола Груевски, за посветената одбрана на неговиот криминал.
ВМРО-ДПМНЕ и Мицкоски остануваат заглавени во матрицата на деструкција, криминал и антидржавно однесување, но не успеаја и нема да успеат да ја вратат државата назад во темното минато. Им се допаѓало тоа или не, Северна Македонија станува 30 земја членка на НАТО и напредува во интеграцијата кон Европа.“, се наведува во соопштението на партијата.