„Порталот „Курир“ почна да пишува реакции на соопштенијата на СДСМ. Со тоа „Курир“ се легитимираше не само како продолжена рака на уредникот Никола Груевски туку и како политички субјект.
Тоа е вистинското лице на „Курир“ од кое граѓаните се згрозени.
„Курир“ веќе не знае дали реагира како ВМРО-ДПМНЕ или како агенција-партија.
Очекуваме независните здруженија на новинарите да го соопштат својот став околу политичкото легитимирање на „Курир“.
Јасно е, виртуелните вести коишто ги креира „Курир“ по нарачки на уредникот имаат конкретна политичка позадина а тоа е виртуелниот свет на ВМРО-ДПМНЕ.
Сега гледаме кој го сочинува импресумот на „Курир“ што го кријат од јавноста. Сепак не бил „Курир“ само комјутер во прашање туку штабот на ВМРО-ДПМНЕ.
Како и да е. Ваквото однесување на медиумските курири е една од причините што Македонија е најлошо рангирана по слобода на медиумите од сите земји во Европа и регионот на Западен Балкан.
Затоа и Европската Комисија бара регулацијата на медиумите, обезбедување и гарантирање на слободата на говор.
Граѓаните знаат, доаѓа слободна и Европска Македонија.
По 24-ти априли и победата на СДСМ, медиумите во Македонија ќе бидат слободни!“, велат од СДСМ.