По објавувањето на доказите дека власта не само што прислушувала над 100 новинари туку била нарачател на вести и прилози во најголемиот дел од медиумите, од „Курир“ добија нова нарачка, велат од СДСМ.
При испорачувањето на нарачката, како многупати досега, „Курир“ покажува елементарно непознавање што е професионален ангажман а што партиска функција.
Роберт Поповски не е директор на Центарот за комуникации на СДСМ туку професионално е ангажиран како советник на претседателот Зоран Заев за комуникации и креирање политики.
Очигледно, за исполнувачите на партиските задачи од Никола Груевски таа разлика е тешко разбирлива.
