„Не успеаја крвавите сценарија во режија на Христијан Мицкоски и неговите коалициски партнери Левица и Алијанса за граѓански судир и етнички конфликт“, велат од СДСМ.
„Целата јавност виде како Мицкоски за свои лични цели беше подготвен да ја втурне државата во конфликт. Човекот кој требаше да има клучна улога се покажа дека е брат на висок функционер на Алијанса за Албанците, кого Данела Арсовска го постави на директорска функција.
По неуспехот се заплеткаа во сопствените лаги, Алијанса вели се бранел, ВМРО-ДПМНЕ ја обвинува власта, Алијанса го обвинува ВМРО-ДПМНЕ, Мицкоски прво велеше дека во него пукале, потоа дека пукале во толпата.
Неуспехот на овие мрачни сценарија доведе и до растурање на коалицијата меѓу ВМРО-ДПМНЕ и Алијанса за Албанците.
Граѓаните да останат смирени, да не подлегнувааат на овие опасни сценарија.
СДСМ и институциите што ги предводи нема да дозволат некој да жртвува луѓе, да разгорува меѓуетнички тензии заради остварување на партиските интереси на Мицкоски и неговите апетити за власт“, соопшти СДСМ.