Горивата повторно поскапуваат. Дизелот за 4,5 денари, бензините за 3 денари по литар, од полноќ вечерва. Како што рековме. Секогаш кога Мицкоски ќе најави мерки за намалување на цените, веднаш следува поскапување. Овојпат се надмина себеси. По најавата – не еднаш, туку двапати се случи поскапување на горивата, велат од СДСМ.
– Граѓаните веќе имаат страв од „мерките“ на Мицкоски. Знаат дека ќе поскапи сè, не само горивото. Економијата е во колапс. Потрошувачката кошничка расте, граѓаните осиромашуваат. Нема зголемување на платите. Наскоро нема да има ниту за пензии. Владата се задолжи кај МЕПСО, кај Навигација и кај Лотарија за да го враќа кинескиот кредит. Со Мицкоски сè е лотарија. Само што тој секогаш добива, а граѓаните секогаш губат, тврдат од партијата.