СДСМ со писмено соопштение реагира на прес-конференцијата на Наум Стоилковски од ВМРО-ДПМНЕ.
„Изгубена во своите лажни вести, антинародната ВМРО-ДПМНЕ почна да користи медиумски шпекулации кои се јавно демантирани.
Времето на масовна партизацијата на институциите и злоупотреба на државната администрација заврши со заминувањето на ВМРО-ДПМНЕ во опозиција.
Времето на списоци за вработување и црни тефтери како оние на Гордана Јанкуловска, исто така заврши.
По започнатиот процес на реформа и професионализација на администрацијата, институциите денес работат професионално, независно и во интерес на граѓаните.
Сите процеси на вработувања се транспарентни, според јасно утврдени законски услови и за сите лица важат еднакви критериуми.
Очигледно е дека антинародното раководство на ВМРО-ДПМНЕ не може да се помири со професионални институции и еднакви услови за вработување и затоа постојано шири лажни вести и конструира непостоечки случаи“ се вели во реакцијата на СДСМ.