„Пред државата и пред сите граѓани е исправена историска шанса да се продолжи по европскиот пат, да оствариме уште еден стратешки национален интерес. Силната поддршка од ЕУ и од САД треба да ја искористиме“, велат од СДСМ.
„Преговорите со ЕУ течат, скрининг процесот се спроведува на македонски јазик успешно и наскоро ќе заврши.
Во македонското Собрание потребен е глас за Европа за да можеме да продолжиме напред кон полноправно членство во ЕУ. Сега зависи од сите нас.
Изборот пред секоја партија, пред секој пратеник е интеграција во ЕУ или изолација. Нема друга опција.
Интеграцијата во ЕУ носи подобар животен стандард, сигурна иднина, засилен економски раст и развој на секое поле, изолацијата значи враќање назад во темното минато на поделби и неизвесност“, соопштува СДСМ.