Поминаа 42 дена откако СДСМ обелодени за приходите од 1,3 милиони евра на Курир, за приходите од 1,1 милион евра на Република, приходите од 617.000 евра на Радио Слободна Македонија, но одговор од државните институции нема, потсетува СДСМ.
„Курир, Република и Радио Слободна Македонија се трите медиуми, коишто за три години, оствариле приходи од 3 милиони евра! Од каде им се милионските приходи на медиумите коишто ги уредува Никола Груевски? Зошто и државните институции молчат за милионските приходи на сметките на медиумските курири на Никола Груевски? Додека граѓаните едвај врзуваат крај со крај со по 40 денари на ден, додека над 500 илјади граѓани живеат во сиромаштија, фабриката за лаги на Никола Груевски врти 3 милиони евра. Тоа се околу 10.000 просечни плати од околу 300 евра“, се наведува во соопштението на СДСМ.
Оттаму додаваат дека Никола Груевски не сака слободни медиуми и дека медиумскиот мрак во Македонија, фамилијата сака го користи за спас на сопствената кожа.
„Државните институции се должни да одговорат за начинот на финансирање на медиумите на Никола Груевски коишто вртат милиони на нивните сметки“, порачува СДСМ.
