Илјадници студенти порачаа НЕ на политиките на Никола Груевски – ете тоа е фактот со којшто не може да се помири таканаречениот премиер, реагираат од СДСМ на изјавата на премиерот Никола Груевски.
Затоа Груевски прво се сплетка те екстерно било, те државен испит бил, а сега пред најавениот нов протест на студентите, се реши на највалканиот чекор – да прави раздор и конфликт лично меѓу нив и во студентските тела.
Груевски врши упад во автономијата на универзитетите, со тоа што ги става студентите во политички контекст.
Ова е девијација до крајни граници и дрзок обид на поигрување со достоинството на младите луѓе, од страна на човек кој 9 години е во премиерската фотелја, но до денес не сфати што значи да си премиер.