Бараме Никола Груевски и неговите соработници во Министерството за транспорт и врски да излезат и да кажат колку ги чинат граѓаните физибилити студиите за пропаднатата гасификација на скопскиот регион и за останатите два региона, источен и западен?
Колку пари досега се потрошени за изработка на тендерските документации?
Која е потрошената сума за сите други пропратни документи?
10 години Груевски и неговата власт ги лажат граѓаните дека ќе ја гасифицираат Македонија, а сега го поништија и огласот за изградба на дистрибутивна мрежа, конечно објавен пред 3 ипол години.
Тоа се случува токму кога цената на гасот е на најниско ниво во последните децении, што можеше да им ги намали трошоците на граѓаните кои ги донесоа во огромна сиромаштија.
Оваа власт не знае и не ни сака да ја гасифицира Македонија. Знаат и сакаат само скапи студии и тендери за еден ист проект.
Бараме Груевски да им ги врати парите на граѓаните за скапите студии и процедури!
Ќе спроведеме детална истрага за сиот криминал околу лагите за гасификацијата.
СДСМ успешно ги гасифицираше општините со коишто раководи и по 11 декември ефтиниот и еколошки енергенс, гасот, ќе го направиме достапен за сите граѓани во Македонија.