„Граѓаните го гледаат „успехот“ на Никола Груевски секој ден, во своите фрижидери, плитките џебови и празните паричници.
Граѓаните знаат дека 630 милиони евра Никола Груевски потроши на споменици.
Со овие пари можеше да се обноват многу болници, улилишта, градинки, студентски домови…
Само фасадата на зградата на владата ги чинеше граѓаните 10 милиони евра, Собранието над 17 милиони евра.
Граѓаните се мудри и можат да ги препознаат бизнис гипс-фасадните политики на Никола Груевски. Се гледа се.
Само не се гледа луксузниот мерцедес од 600 илјади евра што Никола Груевски лично си го нарача и се уште го крие од јавноста. Но и луксузниот мерцедес на Груевски наскоро ќе го видат граѓаните.
Граѓаните ја виделе и Струмица, најуспешната општина во Република Македонија.
Никола Груевски слободно може да отиде во Струмица и да види зошто граѓаните се горди на успесите на оваа општина“, се вели во соопштението на СДСМ.