Врз основа на член 70 став (3) од Деловникот за работа на Собранието на Република Македонија,
50-та точка од Предлог на закон за изменување и дополнување на Законот за јавен долг, поднесен од пратениците на СДСМ, е повлечен, информираат од партијата.
Предлог законот за изменување и дополнување на Законот за јавен долг, беше предложен со цел граѓаните на Република Македонија да имаат увид и да добиваат вистинска и прецизна информација за висината на јавниот долг на државата.
На тој начин сметавме, велат од СДСМ, дека ќе се промени долгогодишната пракса на Владата за прикривање и манипулација со висината на јавниот долг и ќе се влијае на намалување и ограничување на рапидното внатрешно и надворешно задолжување кое се користи за финансирање на непродуктивните трошоци на Владата на Република Македонија.
Со оглед на фактот што Законот за јавен долг беше предложен на почетокот на месец декмври минатата година и имајќи во предвид дека Владата на Република Македонија, владејачкото мнозинство и претседателот на Собранието на Република Македонија прибегнаа кон физичко и насилно отстранување на пратениците од опозицијата, а со цел, спротивно на Уставот на Република Македонија, Законот за Собрание и Деловникот на Собрание на Република Македонија, да го донесат Буџетот за 2013 година и Законите за задолжување, дебатата по овој закон во овој момент станува беспредметна, стои во соопштението.
Од тие причини предложениот Предлог законот за изменување и дополнување на Законот за јавен долг го повлекуваме, завршува соопштението.