СДСМ најостро го осудува насилството што се случи во зградата на Сојузот на Синдикати на Македонија, при што има и повредени.
Недозволиви се незаконски поништувања одлуки донесени од ССМ, како и внесувања лица во Синдикатот кои не се негови членови со цел провокации и носења нови одлуки под притисок.
Недозволиви се насилни упади во работата на Синдикатот, на претставници на министерства и органи што се случуваат и во последните денови на ВМРО-ДПМНЕ.
Ова е потврда за стравот на власта во заминување од работниците кои избраа промени и одлучно ги бранат своите права.
Извршната власт не смее да се меша во синдикалното здружување!
Тоа е уставно право на работниците, загарантирано и со повеќе меѓународни конвенции, чиишто потписник е Република Македонија и на работниците тоа право мора да им биде и ќе им биде почитувано.
На граѓаните им е потребно силно синдикално здружување и можност независно и без партиски притисоци да носат одлуки за заштита на правата на работниците, а не на власта.
Граѓаните ќе може слободно да се организираат и да ги остваруваат своите права без ничие влијание.
Затоа е потребна нова одговорна Влада на граѓаните на Република Македонија којашто ќе го обезбеди почитувањето на правата и обврските на граѓаните, загарантирани со Устав и со закон.
Доаѓаат денови на слободно синдикално организирање и достоиствен живот за сите во Република Македонија