После цели пет и пол години Ѓорѓе Иванов се сети за прв пат да го свика и да го конституира Советот за безбедност. Тоа е врв на несериозност и аматеризам.
За овие пет и пол години се случија повеќе настани кои предизвикаа сериозни тензии во општеството. Власта бруталното ја згази демократијата со бркање на новинарите и опозициските пратеници од Собранието, се случија масовни убиства, радикални и насилни протести, меѓуетнички и интеретнички тензии, неколкупати државата беше доведена до раб на конфликтност.
Покрај сето ова Иванов ниту еднаш не најде за потребно да го свика Советот за безбедност, ниту беше сериозно загрижен.
Ѓорѓе Иванов има обврска прецизно да и соопшти на македонската јавност дали е загрозена безбедноста на државата и нејзините граѓани?
Има ли разногласие за безбедноста на државата помеѓу функционерите на ВМРО-ДПМНЕ?
Особено што во обраќањето пред ООН Иванов изјави дека Македонија и Балканот се на крвавата мапата на Европа за т.н. Исламски калифат а министерката за внатрешни работи, Гордана Јанкулоска, проблемите со евентуалното регрутирање на припадници на радикалниот ислам го поврза само со реизборот на поглавар на ИВЗ.
Нетранспарентноста на власта и нерешавањето на клучните прашања од витален интерес за Република Македонија ја доведоа земјата во опасност од сериозни внатрешни тензии и драматично назадување во евроинтегративните процеси.
Скопје, 30.09.2014 год. ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА