„Медиумските курири во текот на вчерашниот ден најавија дека ќе повикаат меѓународни институции за медиумите во Македонија.
СДСМ едвај чека тоа да се случи.
Граѓаните на Република Македонија најдобро знаат како функционираат медиумите коишто имаат „про форма“ сопственик, кој го кријат од јавноста.
На пример импресумот на интерент порталот „Курир“ се уште е јавно недостапен. Зошто овој медиум се уште не го објава?
Македонија е најлошо рангирана по слобода на медиумите од сите земји во Европа и регионот на Западен Балкан, според Репортери без граници.
Катастрофалната состојба со слободата на медиумите е потврдена и во Извештајот на Европската комисија. Комисијата забележува уназадување на слободата на изразување во Македонија, нотира заплашување на новинарите и изразува сериозна загриженост за уредувачката политика кај некои медиуми.
Дел од условите коишто ги бара Комисијата се и регулацијата на медиумите, обезбедување и гарантирање на слободата на говор.
Уште еднаш СДСМ апелира до „Курир“ што побрзо да ги повика меѓународните институции и организации за состојбата со медиумите во Македонија.
Граѓаните имаат право на слобода на избор, имаат право на слобода на мисла, на слобода на говор“, се вели во соопштението на СДСМ.