Социјалдемократскиот сојуз на Македонија категорично се спротивставува на, како што вели, безобразниот потег на Министерството за образование да воведе екстерно тестирање и за студентите.
„Бараме итно повлекување на оваа најнова дрскост на власта! Груевски и соработниците немаат право да запечатуваат ничија судбина според нивното партиско мерило на вредности. Во оваа држава постои Устав што ги гарантира основните човекови права, а едно од нив е правото на образование. Во оваа држава постојат професори на кои им е работа да оценуваат. Никој нема право, ако е премиер или министер, и посебно не ако е избран на криминален начин, да се стави над граѓаните на Република Македонија“, пишува во реакцијата на СДСМ.