„Избирачкиот список не е прочистен и институциите под контрола на власта се обидоа да го сокријат тој факт.
Тоа го потврди дури и партизираниот Управен суд кој ја поништи забраната ДИК да обезбеди електронски пристап до Избирачкиот список на својата веб страница изречена од Дирекцијата за заштита на лични податоци.
Одлуката на судот се темели на констацијата дека Дирекцијата противзаконски ја изрекла забраната, откако направила вонреден инспекциски надзор околу заштитата и обработката на личните податоци, но не составила Записник, со што “фактичката состојба не е во целост и правилно утврдена“.
Но во одлуката на судот е наведен и еден неоспорен факт, дека:
“Согласно член 31 став 2 алинеја 28-г од Изборниот законик, Државната изборна комисија ГО ОБЈАВУВАИзбирачкиот список на својата веб страница со следниве податоци: ИМЕ, ПРЕЗИМЕ И АДРЕСА НА ИЗБИРАЧИТЕ“.
СДСМ го потенцира ставот што вчера најдиректно го соопшти и Брисел, дека не се исполнети минимум услови за фер и веродостојни избори“, соопштуваат од СДСМ.