Во Струмица, каде што градоначалник е Зоран Заев, тендери се добиваат низ законска постапка, и ги добиваат оние што понудиле најниски услови на пазарот, факт што јавно го потврди и фирмата „АЛ-МАКС“ во сопственост на Васил Пишев, актуелен пратеник од ВМРО-ДПМНЕ.
Ова се истакнува во писмена реакција на СДСМ на денешната прес конференција на Иво Ивановски од ВМРО–ДПМНЕ.
– Нема поголема дрскост и понижување на граѓаните од поставувањето на првите братучеди и кумот за контролори и трошачи на парите на граѓаните, велат од СДСМ.
Од таму додаваат дека ВМРО-ДПМНЕ, за фирмите на Заеви ги вади истите документи со години наназад, пред секој изборен циклус.
Од СДСМ го повикуваат премиерот Груевски на телевизиско соочување со Зоран Заев на темата „чест и морал“.
