„Данела Арсовска цел ден не одговора дали таа е градоначалникот кој комуницирал со Никола Груевски. Данела е иста како Христијан Мицкоски, таа молчи за Груевски“, соопшти СДСМ.
„Осудениот криминалец во бегство Никола Груевски самиот објави дека е во редовна комуникација со градоначалници од редовите на ВМРО-ДПМНЕ. Очигледно е дека оваа партија и натаму е контролирана од Будимпешта, очигледно е дека дури и градоначалници му реферираат на Груевски.
ВМРО-ДПМНЕ е партија која не се менува, неработењето и трошењето пари на партиски вработувања од страна на градоначалниците од ВМРО-ДПМНЕ е доказ дека оваа партија нема намера да се помести од режимската матрица“, се наведува во соопштението на СДСМ.