СДСМ со писмено соопштение реагира на прес-конференцијата на Орце Ѓорѓиевски од ВМРО=ДПМНЕ.
„11 години ВМРО-ДПМНЕ ја партизираше полицијата и ја злоупотребуваше во партиски цели, додека криминалот цветаше по улиците и институциите.
Црното време заврши со заминувањето на ВМРО=ДПМНЕ од власт. Нема повеќе МВРО–ВМРО, нема партизација на институциите и полицијата, нема сокривање на убиства и селективност пред законот.
Неспособното антинародно раководство на ВМРО-ДПМНЕ залудно се обидува да шири неоснована паника меѓу граѓаните.
Денес, институциите работат професионално, а полицијата е партнер и заштитник на граѓаните и нивните права.
Стапката на криминал се намалува, надлежните институции постапуваат по секое прекршување на законите, граѓаните се чувствуваат сигурни и безбедни. Тоа го потврдуваат и испитувањата на јавното мислење, а според истражувањата на ОБСЕ, 75 отсто од граѓаните се чувствуваат безбедни.
Министерството за внатрешни работи продолжува да работи професионално, ефикасно и независно во служба на законите и интересите на граѓаните“ се вели во реакцијата на СДСМ.