„Дали има интерес во присуството на гувернерот Димитар Богов на конференциската врска кога е договорено огромното незаконско задолжување на граѓаните во стотици милиони евра?
Дали можеби аукцијата за избор на изведувач за изградба на милионската барокна зграда на НБРМ го натера Богов да присуствува на конференциската врска во понеделникот кога власта ги задолжи граѓаните 450 милиони евра, плус камати, со еврообврзницата?
Богов тврдеше дека издавањето на еврообврзницата е во надлежност на Владата и Министерството за финансии.
Но потоа се најде во друштвото на владините претставици кои преку конференциска врска го договорија милионското задолжување.
А вчера гувернерот Богов повторно неуспешно се обиде да ја префрли одговорноста за задолжувањето на Министерсвото за финансии, бидејки стоеше до министерот за финанскии кога се мачеше да го оправда историското финансиско злосторство.
Вистината околу учеството на Богов во ова финансиско злосторство набргу ќе биде разоткриена.
Сите инволвирани лица во издавањето на незаконската 450 милионска еврообврзница ќе одговараат“, велат во соопштението од СДСМ.