„На секој почеток на грејната сезона, битолчани се сеќаваат на ветувањата од актуелната власт за изградба на топлана и топловод во Битола“, вели Оливер Николовски од СДСМ на прес конференција.
„Пред осум години Талески, Коњановски и ДПМНЕ, во низа наврати го презентираа и го најавуваа капиталниот проект за топлинска иднина на Битола, со изградба на три нови топлани и топловод, на кој ќе се приклучат колективни згради и индивидуални објекти“, додава Николовски.
Талески и ДПМНЕ да дадат отчет на граѓаните :
- Зошто и после осум години власт, од топланата нема ни траг ни глас ?
- Зошто битолските пратеници од ДПМНЕ, Кузмановска и Џолонга, гласаа против барањето на СДСМ, да се издвојат три милиони евра од буџетот на Р.Македонија, за реализација на овој проект?
- Koj ќе ја понесе одговорноста, за потрошените финасиски средства, за кои доколку постоеше вистински и реален концепт, требаа да им донесат подобро утре на граѓаните на Битола?
- Како ќе се оправдате пред битолчани, кои покрај сите поскапувања на храната и водата, струјата, нафтата и нафтените деривати, ќе мораат и оваа зима да се греат на крајно скап начин?
- Но очигледно е, дека Талески и ДПМНЕ немаат капацитет , ниту пак мандат за реализација на овој проект.
- Ова е само уште едно, во низата лажни ветувања на Талески и ДПМНЕ, прашува Николовски.