„Пред 6 месеци Градоначалникот Талески, се сликаше со фудбалерите на Пелистер и во негов препознатлив стил вети дека во Битола ќе има врвен фудбал. Но денес сме сведоци на жална слика и уште едно лажно ветување на Талески“, велат од СДСМ Битола на прес конференција.
Битола беше расадник на спортисти и клубови кои се натпреваруваа и во европски купови.
Градоначалниче Талески, знаеме дека сте антиспортист, но не верувавме дека ќе бидете ваков непријател на спортот во градот.
Битола и буџетот собран од граѓаните не се ваша приватна своина.
Со години битолчани се жедни да гледаат убави спортски натпревари, како во Скопје, Штип, Струмица…
Но еве и после 8 години вие тоа им го скратувате.
Фудбалскиот клуб Пелистер од пред 6 месеци е акционерско друштво, под капата на општина Битола.
Затоа Талески да и одговори на битолската спортска јавност :
Зошто фудбалерите повеќе од 3 месеци немаат добиено плата, и не им се платени придонеси ?
Кога планираат да им ги исплатат ветените премии од минатата сезона ?
Кој ќе ја понеси одговорноста за хаосот кој владее во ФК Пелистер ?
Ги повикуваме Талески и претседателката на фудбалскиот клуб Пелистер Силвана Ангелевска, да ги тргнат партиските канџи на ДПМНЕ од спортот, и да им го остават фудбалот на оние кои искрено го сакаат и знаат да го водат.
Им ветуваме на граѓаните на Битола, дека за СДСМ како идна локалната власт, еден од врвните приоритети ќе биде, развојот на спортот во Битола и негово враќање каде што му е местото – во врвот во Македонија и пошироко.