Социјалдемократскиот сојуз продолжува со обзнанување на поразителната состојба во битолското образование.
Покрај средното образование, за чиј долг минатата недела се информираше целата јавност, а се проценува на повеќе од 1 милион и 300 илјади евра, во општина Битола во долгови тоне и основното образование.
Повторно се поставува прашањето дали и зошто, основното училиште Климент Охридски по основ на неплатени сметки за греење, вода, струја, телефон и нискоградба должи:
2 милиони и 500 илјади денари.
Основното училиште, „Тодор Ангелевски“ 1 милион 800 илјади денари, а основното училиште „Коле Канински“ 2 милиони 700 илјади денари.
Ако ова е точно, тогаш вкупниот долг на само овие три основни училишта изнесува скоро 7 милиони денари, што претставува навистина поразителен факт, поради кој деновиве училиштата се соочуваат со исклучени телефони, блокирани сметки и недостиг на греење.
Исто како во средните, така и во основните училишта, оваа лоша финансиска состојба придонесе да неможат да се обезбедат ни основните услови за одвивање на наставниот процес.
Бидејќи и после серијалот на прес конференции кои СДСМ Битола ги обелодени, а битолската јавност не доби одговор, повторно прашуваме:
- Каде и за што во овие 8 години Талески потроши скоро 200 милиони евра од буџетски пари?
- Зошто дозволи училиштата да тонат во долгови?
- И како и кога мисли истите да ги врати?