Опозициската СДСМ апелира на итна разврска на кризата со Косово и бара косовската Влада итно да го повлече ембаргото за македонски производи, а Македонија веднаш да ја укине одлуката за дополнителни давачки за граѓаните на Косово.
– Од кризата, македонските стопанственици губат по најмалку половина милион евра дневно. Најмногу страдаат земјоделците и превозниците, соопшти денеска СДСМ.
Опозициската партија прашува кој има полза од трговската криза со Косово и зошто Владата не се обидела да преговара за увозот на брашно со косовската Влада, како што тоа со месеци го правела за увозот на пченица со српската Влада.