„Бадијалџијата Сашо Лазаровски најпрвин требаше јавно да му се извини на градоначалникот Стевчо Јакимовски барем за една работа. На пример, за лагите и манипулациите кои ги зборуваше на своите прес конференции во врска со продажбата на алтернативната општинска зграда“.
Вака реагираат од СДСМ по обвинувањето од ВМРО-ДПМНЕ дека градоначалникот Стевче Јакимовски го одвел буџетот на општината во минус.
„Продажбата заврши, зградата е продадена за 2,8 милиони евра за американско училиште, а не како што лажно тврдеа Лазаревски и ВМРО ДПМНЕ, дека зградата наводно била таксана за некој приватен стопанственик.
Се е лага до лага во ВМРО ДПМНЕ. Во Општина Карпош се што е испланирано согласно програмата, ќе биде реализирано!
Општина Карпош има далеку помал долг од оној кој во наследство на 14 април 2009 година, го остави поранешниот градоначалник на ВМРО ДПМНЕ Сашо Димиќ, кој патем има 17 кривични пријави.
Нека не берат гајле за Карпош. ВМРО ДПМНЕ нека му ја мисли за Владата која само на фирмите им должи 65 милиони евра.
Општина Карпош со многу помал Буџет и без помош од централната власт има двојно повеќе инвестиции од сите останати скопски општини заедно“, реагираат од СДСМ.