Истрагата која ја води Министерството за внатрешни работи покажува дека Сашо Мијалков уште не ја напуштил државата. Министерот Оливер Спасовски посочи дека сите информации говорат дека исчезнатиот Мијалков се уште не ја напуштил државата. По него се трага и сите сили на полицијата се насочени кон негово пронаоѓање.
„Според сите анализи и проценки, сметаме дека е се уште е во државата и дека не ја напуштил. Тоа е според сите анализи и проценки. Во тек се дејствијата, ако знаевме каде е, веројатно ќе беше во притвор. Врз основа на дејствијата и информациите кои ги добиваме, наша убеденост е дека е во Македонија и дека ќе го изнесеме пред лицето на правдата“, вели Спасовски.
Инаку, информациите на обвинителката Вилма Русковска е дека тој планирал бегство преку Куманово за Србија. Русковска за „А1он“ објасни дека не знае колку тие информации се точни, а ги посочила на МВР. Спасовски, пак, рече дека се проверуваат камерите од повеќе објекти како и снимките од раскрсниците и улиците низ Скопје.