Министрите за економија и за образование и наука, Ваљон Сарачини и Панче Кралев денеска и утре ќе учествуваат на регионалниот самит „Претприемништво – образование“, што се одржува во Загреб.
Самитот го организираат хрватските министерства за претприемништво и занаетчиство и за образование, наука и спорт, Европската комисија и Центарот за претприемничко учење на Југоисточна Европа.
На него ќе присуствуваат министри од осум претпристапни земји и од Турција. Тие ќе дискутираат за значењето, потребата и начините за унапредување на претприемништвото и претприемничкото учење, како еден од принципите на Актот за мали претпријатија, моќен фактор за раст и за обезбедување нови вработувања.
На Самитот ќе биде потпишана повелба за претприемничко учење – камен темелник за раст и работни места.