По изготвувањето на „Стратегијата за реформи во правосудниот сектор”, иницијатива на Министерството за правда со поддршка на експерти од областа на правдата, министерот Билен Салији имаше средба со Тибор Драшковиќ – експерт од Европската Унија. Оваа средба доаѓа по напорите за подобрување и адаптирање на функционирањето на правосудните институции во Македонија со критериумите и барањата на ЕУ.
На овој состанок, Салији му се заблагодари на Драшковиќ за понудената поддршка на нашата земја и покажаната подготвеност за соработка. Тој оцени дека прифаќањето и поддршката на оваа стратегија од страна на експертите од ЕУ, ќе се придонесе за успешно исполнување на барањата на ЕУ за нашата институција. Од своја страна, Драшковиќ ја оцени стратегијата како една амбициозна стратегија за која можеме да бидеме горди. Тој исто така истакна дека оваа стратегија доаѓа во клучен момент за државата, бидејќи Македонија се наоѓа во многу важен момент во својот пат да стане дел од европското семејство со целосни права.