Може да замислите само колку смешно им било на македонските цариници на граничниот премин Ќафасан додека една Романка им објаснувала за дрогата која се обидела да ја внесе во Македонија.
При личен претрес на романска државјанка, која како сопатник во патничко возило со романски регистарски таблички, се пријавила за влез во државата, биле откриени 1 таблета со виолетова боја, околу 1 грам кафеава материја и околу 1 грам кафеава коренеста материја.
Романката изјавила дека таблетата, што била пронајдена во згужвана салвета во нејзината рака, за која мисли дека е екстази и кафеавата материја, што била пронајдена во кутија од цигари, за која мисли дека е афродизијак, ги добила од полски турист со кој се запознала на плажа во Албанија, додека кафената материја пронајдена во нејзиниот паричник е хашиш, што одамна го поседува.