Роеви оси нападнале неготинци, поради убодите побарале лекарска помош

Од:

Роеви оси нападнале неготинци, поради убодите во глава побарале лекарска помош, потврди за МИА доктор Ратко Грков, специјалист по семејна медицина. Тој појасни дека станува збор за седум посебни случаи.

-Заедничко за сите нив е што убодите се од оси кои прават гнезда во земјата. Се работи за инсекти кои не напаѓаат сами од себе, туку само во одбрана, ако се почувствуваат загрозени и испровоцирани, ако некој се обиде да им го затрупа живеалиштето. Нападнатите се земјоделци кои береле грозје или корнеле трева пред гроздобер, извршувале одредени земјоделски работи. Кај сите нив убодите се во глава, ретко убод во тело. Според кажувањата на пациентите, осите откако почувствувале дека се загрозени, станале агресивни и ги нападнале, им се заплеткале во косите и тешко можеле да се одбранат од нив. Имале и до петнаесет убоди во главата, со изразени отоци, појаснува докторот.

После убодите, сите кои настрадале биле со покачен крвен притисок. Останатите витални параметри им биле уредни. Само кај еден пациент имало посилна реакција, со огромен оток на главата и отежнато дишење, неможност да земе воздух. Сите примиле антиалергена и антихистаминска терапија за да нема дополнителни компликации.

-Апелираме до сите, особено до земјоделците, да внимаваат и да не ги чепкаат осилата во нивите и околината и да не ги затрупуваат со земја, да ги остават осите на мира и да не ги провоцираат, за да не бидат нападнат како во овие случаи кои ги имавме досега за краток период, нешто што не се случило досега, категоричен е Грков.

Би можело да ве интересира

Обвинителство: Маж од Неготино бараше припадниците на ромската националност да им се забрани да гласаат на избори

Горан Наумовски

Рекетар му се закануваше на градоначалникот на Неготино и на неговото семејство, насилникот бараше 3.000 евра

Горан Наумовски

После четири години истрага, поднесено е обвинение за несреќа каде загина работник во сепарација на Вардар

Горан Наумовски

(ВИДЕО) Мантев: Неспособноста на ДПМНЕ го доведе Неготино во очај, ние имаме решенија и ќе го вратиме сјајот на градот

Филипче: Петар Мантев е човек од народот, Неготино заслужува вистински градоначалник

(ВИДЕО) Филипче: Тоа што СДСМ го создаде ДПМНЕ го руши, укинати здравствените услуги во Неготино