Градоначалникот на Прилеп Марјан Ристески прогласи победа на изборите уште во првиот круг.
Тој смета дека меѓу него и неговиот противкандидат разликата изнесува 2:1.
„Оваа победа е доказ дека прилепчани не веруваат во празни зборови, туку на факти и дела”, рече Ристески.
Тој искажа благодарност до прилепчани што излегоа масовно на гласање, без оглед за кого гласале.
Ристески рече дека изборите тука завршуваат и дека од утре стартуваат со реализација на ветените 400 проекти од разни области, кои ќе придонесат, како што рече, во издигнувањето на Прилеп.