Се уште беснеат пожарите во Националниот парк „Јасен“,во Радуша и во Чашка.
Несовесното палење на пасиштата и стрништата, прикривање на нелегалната сеча на дрва и пожари подметнати поради печурката “смрчка“ која расте на опожарена почва. Ова се трите причини што ги потври теренската анализа како причина за зачестените пожари, кои однесоа и човечки животи.
Засилени се контролите на критичните точки за појава на пожари. Владата воведе забрана за берење и откуп на печурката „смрчка“, којашто е ретка и мошне скапа.
Владата предвиде и строги казни за оние кои намерно подметнале пожари или биле невнимателни.
Останува да важи и забраната за движење во шуми, со исклучок на оние туристички агенции кои веќе имаат договорена посета на туристи.